{PUṞAM 394}
((Originally extracted from master file ^PURAM.OCP))
((Last updated on 2004 April 14th))
{PU 394-1} cilai ulāy nimirnta cāntu paṭu mārpiṉ
{PU 394-2} oli katir kaḻaṉi veḷ kuṭai kiḻavōṉ
{PU 394-3} vali tuñcu taṭam kai vāy vāḷ kuṭṭuvaṉ
{PU 394-4} vaḷḷiyaṉ ātal vaiyakam pukaḻiṉum
{PU 394-5} uḷḷal ōmpumiṉ uyar moḻi pulavīr
{PU 394-6} yāṉ um iruḷ nilā kaḻinta pakal cey vaikaṟai
{PU 394-7} oru kaṇ mā kiṇai teḷirppa oṟṟi
{PU 394-8} pāṭu imiḻ muraciṉ iyal tēr tantai
{PU 394-9} vāṭā vañci pāṭiṉēṉ āka
{PU 394-10} akam mali uvakaiyoṭu aṇukal vēṇṭi
{PU 394-11} koṉṟu ciṉam taṇiyā pulavu nāṟu maruppiṉ
{PU 394-12} ve ciṉam vēḻam nalkiṉaṉ añci
{PU 394-13} yāṉ atu peyarttaṉeṉ āka tāṉ atu
{PU 394-14} ciṟitu eṉa uṇarntamai nāṇi piṟitu um ōr
{PU 394-15} perum kaḷiṟu nalkiyōṉ ē ataṉ koṇṭu
{PU 394-16} irum pēr okkal perum pulampuṟiṉum
{PU 394-17} tuṉ arum paricil tarum eṉa
{PU 394-18} eṉṟum cellēṉ avaṉ kuṉṟu keḻu nāṭṭu ē